TRÍPTICO DA UNIÓN DE COOPERATIVAS DE TRABALLO ASOCIADO ¿QUÉ É UGACOTA? Unha Unión de Cooperativas de Traballo Asociado, á que poden incorporarse todas aquelas que teñan o seu domicilio social en Galicia. UGACOTA é unha asociación sen ánimo de lucro e plurisectorial. ¿CÁL É O SEU OBXECTO? UGACOTA xurde ante a necesidade das Cooperativas de Traballo Asociado de crear un marco de referencia común e de dotarse dos servicios e instrumentos necesarios para o seu fortalecemento. ¿QUÉ OFRECE UGACOTA? - Información e asesoramento cooperativa. - Representación e defensa dos intereses comúns das cooperativas asociadas. - Xestión de aspectos administrativos e empresariais. - Asesoramento e xestión laboral, fiscal e contable. - Formación cooperativa, empresarial e profesional. - Promoción e desenvolvemento de servicios especializados. - Charlas e xornadas de divulgación cooperativa. - Fomento do cooperativismo e da cooperación. ¿CÓMO FUNCIONA UGACOTA? O xeito de funcionar de UGACOTA é o mesmo có cunha cooperativa. A Asamblea Xeral, composta polas cooperativas asociadas, elixe ó Consello Rector e os Interventores, e aproba os programas de traballo, o presuposto e as liñas de actuación. O Consello Rector é o responsable de execución dos distintos programas e servicios da Unión. É un equipo técnico ocúpase da xestión cotiá de UGACOTA e de levar a cabo os programas e servicios. ¿PORQUÉ ASOCIARSE? O mesmo que, como individuos, asociámonos en cooperativas para crear o noso propio traballo, seguindo os mesmos principios debemos de unirnos para defende-la existencia e importancia socioeconómia das nosas cooperativas. Unirse, participar, soster unha organización que resposte as nosas necesidades e defenda os nosos intereses é unha postura responsable. O cooperativismo é unha fórmula de progreso social que só depende dos cooperativistas.